អត្រាកំណែ វិញ្ញាសាទី១

---

អត្រាកំណែ វិញ្ញាសាទី១

ត្រៀមប្រឡងឆមាស និងប្រឡងឌីប្លូម

---

អត្រាកំណែ វិញ្ញាសាទី១

ជ្រើសរើសចម្លើយត្រឹមត្រូវ

1. តើមួយណាជាជំងឺមិនឆ្លង?
ក-ជំងឺលើសឈាម
ខ-ជំងឺតេតាណូស
គ-ជំងឺសិរមាន់
ឃ-ជំងឺគ្រុនចាញ់

2. របាំងការពារទីពីររបស់សារពាង្គកាយជា
ក-តំណបរលាក
ខ-ជាតិអាស៊ីតនិងអង់ស៊ីម
គ-ប្រព័ន្ធស៊ាំរបស់សារពាង្គកាយ
ឃ-ផាកូស៊ីត និងឡាំផូស៊ីត

3. ស៊ីណាប់ជាអ្វី?
ក-លំហនៅចន្លោះអាក់សូននៃណឺរ៉ូនមួយជាមួយដង់ឌ្រីតឬតួកោសិការបស់ណឺរ៉ូនមួយទៀត។
ខ-ផ្នែកខាងចុងម្ខាងនៃណឺរ៉ូន បែកចេញពីតួកោសិកា
គ-ណឺរ៉ូនវិញ្ញាណនាំ
ឃ-គោលិកាសដែលចាប់ក្ដោបនិងសម្លាប់មេរោគ

បំពេញចន្លោះខាងក្រោមឱ្យបានត្រឹមត្រូវ

1. ជាតិពណ៌បៃតងក្នុងស្លឹករុក្ខជាតិមានឈ្មោះថា​​ ក្លរ៉ូភីល ។ ជាតិពណ៌នេះស្តុកទុកនៅក្នុង ក្លរ៉ូប្លាស នៃកោសិការបស់ស្លឹក ហើយវាមាននាទីស្រូបយកថាមពលពន្លឺព្រះអាទិត្យសម្រាប់ការផលិតអាហាររបស់រុក្ខជាតិតាមដំណើរ រស្មីសំយោគ។
2. ដំណើរការដែលកោសិការុក្ខជាតិទទួលបានថាមពលពីការបំបែកគ្លុយកូសហៅថា ដង្ហើមរុក្ខជាតិ។
3. ជំងឺគ្រុនចាញ់បង្កឡើងពីមេរោគឈ្មោះ ប្លាស្មូដ្យូម។ មេរោគនេះ ឆ្លងតាមរយៈ មូសដែកគោលញីខាំ។

ផ្នែកសំណួរ

1. ក-ជំងឺអេដស៍បង្កឡើងពីមេរោគឈ្មោះ អេច អាយ វី​(HIV)?
ខ-មេរោគនេះឆ្លងតាមរបៀបមួយចំនួនដូចខាងក្រោម
-ឆ្លងតាមការរួមភេទ
-តាមរយៈឈាម ឬទឹករងៃ
-ការប្រើម្ជុល សឺរ៉ាំង ឬសម្ភារៈទម្លុះស្បែកផ្សេងៗរួមគ្នា
-ឆ្លងពីម្ដាយទៅកូន ពេលកូននៅក្នុងផ្ទៃ កូនកើត និងពេលដំបៅដោះកូន

2. ក-ផ្នែកសំខាន់ពីរនៃរូបផ្គុំវីរុសជា
-ផ្នែកខាងក្រៅជា ប្រូតេអ៊ីន សម្រាប់ការពារ
-ស្នូលក្នុងជា សម្ភារៈតំណពូជ សម្រាប់បង្កើតវីរុសថ្មីៗ។
ខ-ការបន្តពូជរបស់វីរុសឆ្លងកាត់នូវ៥ដំណាក់កាល
-ការភ្ជាប់ គឺវីរុសភ្ជាប់ខ្លួនទៅនឹងភ្នាសកោសិកាដែលត្រូវនឹងវា
-​ការបញ្ចូល គឺវីរុសបញ្ចូលសម្ភារៈតំណពូជរបស់វាទៅក្នុងកោសិកាធ្មួល
-ការសំយោគ វីរុសសំយោគសម្ភារៈតំណពូជនិងប្រូតេអ៊ីនថ្មីៗជាច្រើន
-ការផ្គុំ គឺវីរុសផ្គុំសម្ភារៈតំណពូជនិងប្រូតេអ៊ីនបង្កើតជាវីរុសថ្មីៗជាច្រើនក្នុងកោសិកាធ្មួល
-ការបញ្ចេញ វីរុសធ្វើឱ្យកោសិកាធ្មួលផ្ទុះបែកហើយឆ្លងទៅបំផ្លាញកោសិកាធ្មួលថ្មីៗទៀតជាបន្តបន្ទាប់។

3. ក-ការបំពុល ជាការធ្វើឱ្យកខ្វក់ដល់បរិស្ថានដោយសារសំណល់ផ្សេងៗដែលទុកដាក់មិនបានត្រឹមត្រូវ។
ខ-ការបំពុលមានបីប្រភេទរួមមាន ការបំពុលទឹក ការបំពុលដី និងការបំពុលខ្យល់។

ចុចមើលវិញ្ញាសាបន្ទាប់ វិញ្ញាសាទី២