រូបផ្គុំក្នុងបេះដួង​ (Human Internal Heart Structure)

ថតបេះដូង

  • ថតលើស្ដាំ ទទួលឈាមខ្សត់អុកស៊ីសែនពីផ្នែកផ្សេងៗនៃសារពាង្គកាយ ដែលបង្ហូរចូលមកតាមវ៉ែវកាវលើ និងវ៉ែនកាវក្រោម។
  • ថតក្រោមស្ដាំ រុញឈាមខ្សត់អុកស៊ីសែនបានពីថតលើស្ដាំ ឆ្លងកាត់ប្រឹសអាកទែសួតទៅក្នុងសរសៃឈាមអាកទែសួតដើម្បីបញ្ជូនឈាមទៅកាន់សួត។
  • ថតលើឆ្វេង ទទួលឈាមសម្បូរអុកស៊ីសែនពីសួត ដោយចូលមកតាមវ៉ែនសួត។
  • ថតក្រោមឆ្វេង រុញឈាមសម្បូរអុកស៊ីសែនបានពីថតលើឆ្វេង ឆ្លងកាត់ប្រឹសអាអកទៅក្នុងសរសៃឈាមអាអក ដើម្បីបញ្ជូនឈាមទៅកាន់ផ្នែកផ្សេងៗរបស់សារពាង្គកាយ។

ប្រឹសបេះដូង

  • ប្រឹសថតលើក្រោមស្ដាំ(ឬ ប្រឹងអណ្ដាតបី) ស្ថិតនៅចន្លោះថតលើស្ដាំ និងថតក្រោមស្ដាំ ហើយមានមុខងារបង្ការមិនឱ្យឈាមត្រឡប់ពីក្នុងថតក្រោមស្ដាំទៅក្នុងថតលើស្ដាំវិញ។
  • ប្រឹសសួត(ឬប្រឹសអាកទែសួត) ស្ថិតនៅក្នុងគល់អាកទែសួត ចន្លោះអាកទែសួតនិងថតក្រោមស្ដាំ។ វាបង្ការមិនឱ្យឈាមត្រឡប់ក្នុងសរសៃឈាមអាកទែសួតមកក្នុងថតក្រោមស្ដាំវិញ។
  • ប្រឹសថតលើក្រោមឆ្វេង(ឬប្រឹសអណ្ដាតពីរ) ស្ថិតនៅចន្លោះថតលើឆ្វេង និងថតក្រោមឆ្វេង។ វាបង្ការមិនឱ្យឈាមត្រឡប់ពីក្នុងថតក្រោមឆ្វេងទៅក្នុងថតលើឆ្វេងវិញ។
  • ប្រឹសអាអក ស្ថិតនៅក្នុងគល់អាអក ចន្លោះសរសៃឈាមអាអក និងថតក្រោមឆ្វេង។ វាបង្ការមិនឱ្យឈាមត្រឡប់ពីក្នុងសរសៃឈាមអាអកមកក្នុងថតក្រោមឆ្វេងវិញ។
ស្រទាប់ភ្នាសបេះដូង
ផ្ទៃបេះដូង មានបីស្រទាប់៖
  • ស្រទាប់ក្នុង កើតពីកោសិកាអេពីតេល្យូមមួយស្រទាប់។
  • ស្រទាប់កណ្ដាល ជាស្រទាប់ជាលិកាសាច់ដុំ។
  • ស្រទាប់ក្រៅ ជាជាលិកាសរសៃ(ភីប)។
សរសៃឈាមសំខាន់ៗរបស់បេះដូង
  • អាកទែសួត នាំឈាមខ្សត់អុកស៊ីសែនចេញពីថតក្រោមស្ដាំទៅកាន់សួត។
  • វ៉ែនសួត នាំឈាមសម្បូរអុកស៊ីសែនពីសួតមកក្នុងថតលើឆ្វេងបេះដូង។
  • អាអក នាំឈាមចេញពីថតក្រោមឆ្វេងទៅកាន់សរីរាង្គផ្នែកលើ និងក្រោមបេះដូង។
  • វ៉ែនកាវលើ បង្ហូរឈាមខ្សត់អុកស៊ីសែនដែលបានពីជាលិកាផ្សេងៗដែលស្ថិតនៅផ្នែកលើបេះដូងចូលទៅក្នុងថតលើស្ដាំ។
  • វ៉ែនកាវក្រោម នាំឈាមខ្សត់អុកស៊ីសែនដែលបានពីសរីរាង្គផ្សេងៗដែលស្ថិតនៅក្រោមបេះដូងចូលទៅក្នុងថតលើស្ដាំ។

ពាក្យបច្ចេកទេសអង់គ្លេស-ខ្មែរ

  • aorta  អាអក
  • aortic semilunar valve  ប្រឹសអាអក
  • aortic valve  ប្រឹសអាអក
  • atria  ថតលើ
  • atrioventricular valve ប្រឹសថតលើក្រោម
  • atrium   ថតលើ
  • bicuspid valve  ប្រឹសអណ្ដាតពីរ
  • blood vessels សរសៃឈាម
  • cardiovascular system   ប្រដាប់របត់ឈាម
  • circulatory system ប្រដាប់របត់ឈាម
  • heart បេះដូង
  • heart chamber ថតបេះដូង
  • heart valve   ប្រឹសបេះដូង
  • inferior semilunar valve  វ៉ែនកាវក្រោម
  • left atrium  ថតលើឆ្វេង
  • left ventricle  ថតក្រោមឆ្វេង
  • mitral valve  ប្រឹសអណ្ដាតពីរ ឬប្រឹសថតលើក្រោមឆ្វេង
  • pulmonary artery  អាកទែសួត
  • pulmonary semilunar valve  ប្រឹសសួត ឬប្រឹសអាកទែសួត
  • pulmonary valve  ប្រឹសសួត ឬប្រឹសអាកទែសួត
  • pulmonary vein  វ៉ែនសួត
  • right atrioventricular valve  ប្រឹសថតលើក្រោមស្ដាំ
  • right atrium ថតលើស្ដាំ
  • right ventricle  ថតក្រោមស្ដាំ
  • superior vena cava វ៉ែនកាវលើ
  • tricuspid valve  ប្រឹសអណ្ដាតបី ឬប្រឹសថតលើក្រោមស្ដាំ
  • ventricle  ថតក្រោម