រូបផ្គុំបាក់តេរី

 រូបផ្គុំបាក់តេរី

បាក់តេរី  ជាសារពាង្គកាយឯកកោសិកា ប្រូការីយ៉ូត(គ្មានណ្វៃយ៉ូពិតប្រាកដ)។ សម្ភារៈតំណពូជ ស្ថិតនៅជារង្វេលក្នុងស៊ីតូប្លាស គ្មានភ្នាសណ្វៃយ៉ូរុំព័ទ្ធ។

បាក់តេរីនីមួយៗ ផ្គុំឡើងពីផ្នែកសំខាន់ៗ៥ គឺ

1. ភ្នាសគ្រោង (ស្រោបភ្នាសស៊ីតូប្លាស និងមានមុខងារការពារ)
2. ភ្នាសស៊ីតូប្លាស (ស្រោបនិងការពារធាតុក្នុងកោសិកា និងមុខងារផ្សេងទៀត)
3. ស៊ីតូប្លាស (ធាតុរាវអន្ធឹល ជួយចលនាធាតុក្នុងកោសិកា )
4. រីបូសូម (កន្លែងសំយោគប្រូតេអ៊ីន)
5. សម្ភារៈតំណពូជ (ផ្ទុកព័ត៌មានសម្រាប់បន្តពូជ)

ក្រៅពីនេះ បាក់តេរីខ្លះទៀត ក៏បង្កឡើងពីផ្នែកផ្សេងៗទៀតដែរ ដូចជា 

• កន្សោម(កាប់ស៊ុល) ជាភ្នាសជាតិស្ករ និងប្រូតេអ៊ីន ស្រោបភ្នាសគ្រោង សម្រាប់ការពារបាក់តេរីទល់នឹងលក្ខខណ្ឌមិនប្រកប
• ផ្លាសែល មួយឬច្រើន សម្រាប់ផ្លាស់ទី
• ប្លាស្មីត ជាសម្ភារៈតំណពូជរាងជារង្វង់តូចមួយក្នុងស៊ីតូប្លាស។ បាក់តេរីមានប្លាស្មីត អាចបន្តពូជដោយជំនាប់ប្ដូរ
• ភីមប៊្រី ជាពន្លយរៀវខ្លីៗ ចេញពីភ្នាសស៊ីតូប្លាស សម្រាប់ធ្វើចលនា និងការភ្ជាប់ជាមួយគ្នាឬភ្ជាប់ទៅនឹងទម្រ
• ស្ពានចម្លង(ស្ពានភេទឬភីលី) ពន្លយរៀវ មួយចេញពីស៊ីតូប្លាសនៅចុងម្ខាងនៃបាក់តេរី សម្រាប់ភ្ជាប់គ្នា និងការបន្តពូជដោយជំនាប់ប្ដូរ។