អត្រាកំណែ វិញ្ញាសាទី២

ត្រៀមប្រឡងឆមាស និងប្រឡងឌីប្លូម

ចូរជ្រើសរើសចម្លើយត្រឹមត្រូវតែមួយគត់

តើភាពស៊ាំដែលអង់ទីករលូតលាស់ចេញពីតំណបទៅនឹងវ៉ាក់សាំងជាភាពស៊ាំបែបណា?

ក-ភាពស៊ាំសកម្មសិប្បនិម្មិត

សារធាតុគីមីជួយបង្កើតភាពស៊ាំរបស់សារពាង្គកាយជា

ក-វ៉ាក់សាំង

ចូរបំពេញចន្លោះខាងក្រោមឱ្យបានត្រឹមត្រូវ

អាមីបផ្លាស់ទី និងចាប់ចំណីអាហារដោយប្រើ ជើងបញ្ឆោត។ វាបង្កជំងឺ រាកមួល ដល់មនុស្ស។
មេសូភីលមានពីរស្រទាប់គឺ មេសូភីលប៉ាលីសាត និង មេសូភីលស្ពោត។
ប្រព័ន្ធប្រសាទមនុស្សមានពីរផ្នែកគឺ មជ្ឈមណ្ឌលប្រព័ន្ធប្រសាទ និង បរិមណ្ឌលប្រព័ន្ធប្រសាទ។

ចូរឆ្លើយនឹងសំណួរខាងក្រោម

ក-ណឺរ៉ូនជាកោសិកាប្រសាទដែលដឹកនាំព័ត៌មានទៅពាសពេញក្នុងប្រព័ន្ធប្រសាទ។

ខ-ផ្អែកតាមនាទី ណឺរ៉ូនមានបីប្រភេទគឺ ណឺរ៉ូនវិញ្ញាណនាំ ណឺរ៉ូនចលករ និងណឺរ៉ូនភ្ជាប់ឬអន្តរណឺរ៉ូន។
+នាទីរបស់ណឺរ៉ូននីមួយៗ
-ណឺរ៉ូនវិញ្ញាណនាំ ដឹកនាំព័ត៌មានចេញពីធ្មួលវិញ្ញាណទៅកាន់មជ្ឈមណ្ឌលប្រសាទ
-ណឺរ៉ូនភ្ជាប់ឬអន្តរណឺរ៉ូន បញ្ជូនព័ត៌មានចេញពីមជ្ឈមណ្ឌលប្រសាទ ទៅឱ្យណឺរ៉ូនចលករ
-ណឺរ៉ូនចលករ ទទួលព៌ត៌មានចេញពីមជ្ឈមណ្ឌលប្រសាទ ហើយដឹកនាំទៅកាន់សាច់ដុំឬក្រពេញ។

ក- ជំងឺឆ្លង ជាជំងឺដែលបណ្ដាលមកពីភ្នាក់ងារបង្ករោគ ហើយឆ្លងពីសារពាង្គកាយមួយទៅសារពាង្គកាយមួយទៀត។

ខ-ជំងឺទឹកនោមផ្អែមមិនមែនជាជំងឺឆ្លងទេ ពីព្រោះជំងឺទឹកនោមផ្អែមបណ្ដាលមកពីជាតិស្ករលើសក្នុងឈាមដែលកើតឡើងដោយសារលំពែងបញ្ចេញអរម៉ូនអាំងស៊ុយមិនគ្រប់គ្រាន់ មិនមែនមកពីភ្នាក់ងារបង្ករោគណាមួយទេ ហើយជំងឺនេះក៏មិនចម្លងទៅមនុស្សម្នាក់ផ្សេងទៀតបានដែរ។

ប្រៀបធៀបការបន្តពូជដោយភេទនិងដោយឥតភេទរបស់បាក់តេរី

ការបន្តពូជដោយឥតភេទ	ការបន្តពូជដោយភេទ
ដោយការចែកខ្លួនជាពីរ បាក់តេរីមេមួយដំឡើងទ្វេសម្ភារៈតំណពូជ រួចចែកវាជាពីរ ធ្វើចំណែកស៊ីតូប្លាស បង្កើតបានបាក់តេរីកូនពីរដូចគ្នា ហើយដូចទៅនឹងបាក់តេរីដើម បង្កើនចំនួនបាក់តេរី	តាមរយៈជំនាប់ប្ដូរ បាក់តេរីពីរភ្ជាប់គ្នាដោយស្ពានចម្លង។ បាក់តេរីមួយដំឡើងទ្វេសម្ភារៈតំណពូជ ផ្ទេរសម្ភារៈតំណពូជទៅឱ្យបាក់តេរីមួយទៀតតាមស្ពានចម្លងធ្វើឱ្យបាក់តេរីនោះមានបន្សំសម្ភារៈតំណពូជថ្មី មិនបង្កើនចំនួនបាក់តេរីទេ

ការបន្តពូជដោយឥតភេទ

ការបន្តពូជដោយភេទ

ដោយការចែកខ្លួនជាពីរ
បាក់តេរីមេមួយដំឡើងទ្វេសម្ភារៈតំណពូជ រួចចែកវាជាពីរ
ធ្វើចំណែកស៊ីតូប្លាស បង្កើតបានបាក់តេរីកូនពីរដូចគ្នា ហើយដូចទៅនឹងបាក់តេរីដើម
បង្កើនចំនួនបាក់តេរី

តាមរយៈជំនាប់ប្ដូរ
បាក់តេរីពីរភ្ជាប់គ្នាដោយស្ពានចម្លង។ បាក់តេរីមួយដំឡើងទ្វេសម្ភារៈតំណពូជ
ផ្ទេរសម្ភារៈតំណពូជទៅឱ្យបាក់តេរីមួយទៀតតាមស្ពានចម្លងធ្វើឱ្យបាក់តេរីនោះមានបន្សំសម្ភារៈតំណពូជថ្មី
មិនបង្កើនចំនួនបាក់តេរីទេ

ក-ជំងឺកាមរោគភាគច្រើនឆ្លងតាមរយៈការរួមភេទ ឆ្លងពីម្ដាយទៅកូន និងខ្លះអាចឆ្លងតាមរបៀបផ្សេងទៀតដូចជាការប៉ះពាល់ឈាមឬធាតុរាវចេញពីអ្នកជំងឺកាមរោគ និងអាចឆ្លងតាមរយៈការប៉ះពាល់របស់កខ្វក់ដោយមេរោគកាមរោគ ការប្រើប្រាស់សម្ភារៈរួមគ្នា សម្លៀកបំពាក់ កន្សែង និងការប្រើបង្គន់រួមគ្នាជាដើម។

ខ-ដើម្បីបង្ការពីជំងឺកាមរោគយើង
- មិនត្រូវឆាប់ប្រឡូកក្នុងការរួមភេទ
- ត្រូវស្មោះត្រង់មួយនឹងមួយ ចៀសវាងការមានដៃគូរួមភេទច្រើន
- ប្រើប្រាស់ស្រោមអនាម័យឱ្យបានត្រឹមត្រូវនៅពេលរួមភេទ
- មិនត្រូវប្រើម្ជុល សឺរ៉ាំងឬសម្ភារៈទម្លុះស្បែកផ្សេងទៀតរួមគ្នា

អត្រាកំណែ វិញ្ញាសាទី២